عشت الحياة وافطنت من عقب تجريب
وادركت ما أجهل بـفضل استشاره
بحثت انا و البحث للنفس تدريب
و من لا تعلم ضاع في وسط غاره
الطيب فالطيب يورد لك الطيب
و الطيب في القشران نقص وخساره
مشكلتي اني ابيض القلب ما اعيب
ما عرف أرد السيئة بالحقارة
لا تسمع اللي جاب قولي بتكذيب
ترا الحرايق تبتدئ من شراره
يا صاحبي وان جاك حمالة الريب
ما عندهم غير الحكي و الإثارة
اقطع بهم و ارمي بهم للقصاصيب
و انهض و أسدل للتجافي ستارة
ياما وحينا ناس بأشكال اصاحيب
شكله رفيق(ن) لكن الغدر كاره
يبدي لك النكران يبدي العذاريب
فـ القرب منهم هم ضيق و مراره
وبعض البشر لا ضقت ناديت يا ذيب
فزاع ماهي فزعته مستعاره
وبعض المواقف تكسب النفس تهذيب
تكسبك خبرة عيش وقت الحرارة
قريت حتّى نلت كل المطاليب
قريت حتّى صغت فن العبارة
وان حاجة أفكاري لشور(ن) و تعقيب
جيت لـ الآهي عاني(ن) باستخارة
الكاتب: نايف بن خالد آل الشيخ
ليست هناك تعليقات:
إرسال تعليق